Maqedonia merr masa që ekonomia të mos pësojë dëme nga mbyllja e rrugës drejt Kosovës

14:42 | 11 Maj 2018
A. B.

Nga ana e Maqedonisë merren masat e nevojshme që mbyllja e rrugës magjistrale Hani Elezit – Kaçanik për shkak të rrëshqitjes së dheut nga ana e Kosovës të mos reflektojë ndaj ekonomisë.

Këtë sot e deklaroi ministri i Transportit dhe Lidhjeve, Goran Sugareski, duke shtuar se ka pasur bisedime konstruktive me kolegun e tij nga Kosova.

“Pasi bëhet fjalë për punë që duhet ta bëjë Republika e Kosovës dhe ajo është bërja e rrugës alternative përmes Globoçicës, ne ndërmarrim gjithçka që mundet nga ana jonë me qëllim të mos shkaktohen dëme ndaj ekonomisë. Kuptohet se masat komplet i ndërmerr Qeveria, sepse nuk kanë të bëjnë vetëm me resorin e transportit, por edhe në pjesën e Drejtorisë doganore dhe Ministrinë e Punëve të Jashtme”, theksoi Sugareski, duke u përgjigjur në pyetje të gazetarëve në konferencën për shtyp në Qeveri.

Informoi se Kosova planifikon në ditët në vijim të bëjë hulumtim gjeologjik ndaj bazës në të cilat do të kryhet sanimi i rrëshqitjes së dheut. /Express

Shpërndaje në rrjete sociale

Lajmet më të lexuara

Të ngjashme

Foto lajm